Həyat tərzinin beyinə təsiri - FOTO

Bu iki beyin arasındakı fərqi görürsünüz?

XalqTV.com xəbər verir ki, Amerikanın Texas ştatındakı uşaq xəstəxanasının professoru maraqlı araşdırma aparıb. Professor Brus Perri sevgisizliyin, diqqətsizliyin uşaqların beyninə təsiri ilə bağlı aparıdığı araşdırmanın nəticələri barədə yazı yazıb. O, yaşları və baş ölçüləri eyni olan iki uşağın beyinlərini rentgen edib. Rentgenin nəticələrini paylaşan professor bildirib ki, beyinlər arasındakı fərq aşkar şəkildə görünür.

/>

Şəklin sol hissəsindəki beyin 3 yaşlı sağlam, xoş həyat tərzi sürən uşağın, sağ hissəsindəki isə, psixoloji travma alan, sevgi və diqqət görməyən, stress keçirən uşağın beynidir.

Soldakı beyinlə sağdakı beyinin ölçüləri arasında ciddi fərq var. Xoşbəxt həyat tərzi sürən uşağın beyni iri və qırışsızdır. Stress içində böyüyən uşağın beyni isə, sanki, qocalıb.

Araşdırmaların nəticəsini açıqlayan professor valideynləri uşaqlarına qarşı daha diqqətli olmağa, onlara sevgi göstərməyə çağırıb. O qeyd edib ki, stress altında böyüyən uşaqlarda ciddi xəstəliklər yarana bilər.

Bəxtiyar Umarlı
XalqTV.com

Digər maraqlı xəbərlər XalqTV.com-ın Facebook səhifəsində