Dehlidə hava çirkliliyi səbəbindən orta və aşağı sinif məktəbləri bağlanıb

Hindistanın Dehli şəhərinin hakimiyyət orqanları havanın çirklilik səviyyəsinin təhlükəli həddə çatması səbəbindən məktəblərin qismən bağlanması barədə göstəriş verib.

XalqTV.com  AZƏRTAC-a istinadən bildirir ki, şəhərin orta və aşağı sinif məktəblərində məşğələlər tamamilə dayandırılıb, yuxarı sinif məktəblərində isə dərslər qısaldılmış qrafiklə keçirilir.

Şəhər rəhbərliyi havadakı çirklilik səviyyəsinin yüksələcəyi təqdirdə meqapolisdə benzin və dizel yanacağı ilə işləyən avtomobillərdən istifadəni məhdudlaşdırmaq niyyətindədir.

Bu ərəfədə meteoroloqlar Dehli şəhərinin havasında zərərli maddələrin konsentrasiyasının normadan iki dəfədən də artıq olduğunu və "potensial təhlükə" səviyyəsinə çatdığını bildirib. Tibb müəssisələrinin əməkdaşları yerli əhaliyə mümkün qədər küçəyə çıxmamağı tövsiyə edib.

Xatırladaq ki, Dünya Səhiyyə Təşkilatı 2014-cü ildə Dehlini dünyanın ən çirkli şəhəri elan etmişdi.

XalqTV.com