40-da öyrənən sağlam, idmançı da olur - FOTO

İngilislərin əl-əlbət ki, "qırxında öyrənən gorunda çalar" deyimindən xəbəri yoxdur. Bəlkə də var, amma Darren Börd o xəbərli insanlar arasında deyil.

Olsaydı, "əh, belə də yaxşıdır" deyibən yaşamağa davam edərdi

Etmədi və indi atletik bədən quruluşlu birinə çevrilib.

XalqTV.com Daily Mail-ə istinadən bildirir ki, İngiltərənin Bornmut şəhərində yaşayan Darren Börd 47 yaşındadır. Bu ilin mayında onun daha bir övladı doğulub.

Sonbeşiyi üçün sağlam, gümrah ata olmaq üçün Darren idmanla məşğul olmaq qərarına gəlib.

İnşaatda çalışan D.Börd beləcə, həftədə üç gün işdən fitnes zalına yollanıb, intensiv məşqlər edib.

İndi o, atletik vücuda malikdir.

"Bədənimdəki piyləri iki dəfə azaltdım. Sonbeşiyim üçün sağlam ata olmaq istədim, çünki müayinə zamanı məndə kliniki piylənmə aşkarlandı. Cəmi 12 həftə ərzində bədənimdəki piyləri 30 faizdən 12 faizədək azaltdım", - D.Börd söyləyib.

Darrenin xanımı Sanni də ərinin vücudundakı dəyişikliklərdən çox razıdır.

XalqTV.com

Digər maraqlı xəbərlər XalqTV.com-ın Facebook səhifəsində

XalqTV.com-ın ən mühüm və maraqlı xəbərlərini "Telegram"da izləyin