SAĞLAMLIQ

Oynaq və bel ağrılarının səbəbləri...

  • 23 Dec 2017
  • 372 baxış

Yaşlı adamların belində və dizlərində ağrılardan şikayətlənməsi heç də hava ilə əlaqədar deyil.

XalqTV.com Azərtac-a istinadla xəbər verir ki, tədqiqatçılar 65 yaşdan yuxarı amerikalılar üçün nəzərdə tutulan tibbi sığorta proqramının məlumat bazasında həkimə müraciətlərlə bağlı məlumatları hərtərəfli təhlil ediblər.
 
Məlumatlar 1,5 milyondan artıq yaşlı insana və həkimlərə edilən 11,5 milyondan artıq müraciətə aiddir. Alimlər bel və oynaq ağrıları ilə bağlı müraciətlərin sayını bu insanların yaşadıqları regionda həmin günlərdə havanın necə olması barədə arxiv məlumatları ilə müqayisə ediblər.
 
Nəticədə məlum olub ki, yağışlı və yağmursuz günlərdə "sümüklərin sızıltısı" ilə bağlı şikayətlərin sayında heç bir fərq olmayıb. Pis havada bel və oynaq ağrıları ilə həkimə müraciətlər 6,35 faiz, yaxşı havada isə 6,39 faiz təşkil edib.
 
Tədqiqatçılar hesab edirlər ki, ola bilər, pasiyentlər özlərini pis hiss etdikləri gün həkimin qəbuluna yazıla bilməyiblər. Onlar həkimə müraciətdən bir həftə əvvəl yağışlı havanı nəzərə alaraq, məlumatları bir daha təhlil ediblər. Lakin nəticələr əvvəlkini göstərib. Hətta bütün həftəni leysan yağışları yağsa belə, həmin günlərdə sümük ağrıları ilə müraciət edənlərin sayı ilə yağmursuz, günəşli havada müraciət edənlər arasında ciddi fərq olmayıb. Həmçinin hava kəskin dəyişməyə başlayan vaxtla ağrılarla bağlı müraciətlərin arasında heç bir bağlılıq olmayıb. Bununla yanaşı, hava hətta oynaq ağrılarından əziyyət çəkən revmatoid artritli pasiyentlərin vəziyyətinə də təsir etməyib.
 
Tədqiqatın aparıcı müəllifi Anupam Cena belə nəticəyə gəlib: "Sızıldayan dizlər və bel havanın pisləşəcəyi barədə qabaqcadan xəbər verilməsi üçün heç də dəqiq vasitə deyil". Onun fikrincə, bu halda özünütəlqinə oxşar bir məsələdən söhbət gedə bilər. Əgər siz fikirləşirsiniz ki, yağışlı havada diziniz sızıldayacaq, o, həqiqətən də baş verir. Beyin bu ssenarini yadda saxlayır və yenidən, dəfələrlə təkrar edir.

XalqTV.com

>

Digər maraqlı xəbərlər XalqTV.com-ın Facebook səhifəsində

XalqTV.com-ın ən mühüm və maraqlı xəbərlərini "Telegram"da izləyin

RƏYLƏR
ÖNƏRİLƏN XƏBƏRLƏR
xalqtv
"Doğuşun baş verməsi üçün..."
  • 06 May 2017
  • 45881 baxış
Gicitkənin faydaları
Gicitkənin faydaları
  • 06 May 2017
  • 765 baxış
Həzm çətinliyinə qarşı 6 qida
Həzm çətinliyinə qarşı 6 qida
  • 06 May 2017
  • 764 baxış
Dizlərimiz niyə kirəclənir?
Dizlərimiz niyə kirəclənir?
  • 06 May 2017
  • 742 baxış
Sən demə, pendir ziyan imiş
Sən demə, pendir ziyan imiş
  • 07 May 2017
  • 839 baxış
Balaca Raul: Bu xəstəlik deyil - FOTO