idman

Rüstəm Orucov gümüş medal qazandı

24 Feb 2018
303 baxış

Azərbaycan cüdoçusu Rüstəm Orucov Almaniyanın Düsseldorf şəhərində "Böyük Dəbilqə" turnirində gümüş medal qazanıb.

XalqTV.com "Report"a istinadən bildirir ki, o, finalda təcrübəli yaponiyalı olimpiya və 4 qat dünya çempionu Şohey Ono ilə qarşılaşıb.

Görüş 2016-cı il Rio-de-Janeyro Yay Olimpiya Oyunlarının finalında olduğu kimi, Ononun qələbəsi ilə yekunlaşıb. Beləliklə, titullu cüdoçu Düsseldorfda ilk görüşdə yendiyi Hidayət Heydərovdan sonra daha bir azərbaycanlı cüdoçuya qalib gələrək, qızıl medal qazanıb.

81 kq-da yer alan Fəqan Quluzadə də elə ilk görüşdə polşalı Damian Şvarnoveçkiyə uduzaraq, mübarizəni dayandırıb.

İlk yarış günündə Azərbaycan cüdoçuları medalsız qalıblar.

XalqTV.com