SAĞLAMLIQ

İsa Qəmbər Türkiyəyə müalicəyə getdi

28 Feb 2018
1604 baxış

İsa Qəmbər xəstəxanadan evə buraxılıb.

XalqTV.com APA-ya istinadən xəbər verir ki, bir neçə gündür, Mərkəzi Klinik Xəstəxanada müayinə və müalicə olunan İ. Qəmbər xəstəxanadan çıxıb.

Müsavat Partiyası başqanının müavini Gülağa Aslanlı bildirib ki, İ. Qəmbər daha dərindən müayinə və müalicə almaq üçün artıq Türkiyənin paytaxtı Ankara şəhərinə yola düşüb.

Onun özünü yaxşı hiss etdiyi bildirilir.

Qeyd edək ki, Milli Strateji Düşüncə Mərkəzinin sədri, Müsavat Partiyasının sabiq sədri İ. Qəmbər bu il yanvar ayının əvvəllərində xəstəxanaya yerləşdirilmiş, ürəyinə bir neçə stent qoyulmuşdu.

Bir neçə gün əvvəl isə o, yenidən Mərkəzi Klinik Xəstəxanasına müraciət etmişdi.

XalqTV.com