idman

Bakının bu yollarında hərəkət məhdudlaşdırılacaq

06 Apr 2018
152627 baxış

"Formula 1" üzrə Azərbaycan Qran Prisinə hazırlıq işlərinin görülməsi səbəbindən trekin bəzi hissələrində nəqliyyatın hərəkəti məhdudlaşdırılacaq.

XalqTV.com report-a istinadən xəbər verir ki, aprelin 7-nə keçən gecə Azneft dairəsində tribunanın tikintisi ilə əlaqədar kiçik radiuslu dairə quraşdırılacaq. Burada hərəkət hissəsi əvvəlki vəziyyəti ilə müqayisədə nisbətən daraldılacaq.

Aparılan tikinti-quraşdırma işləri ilə əlaqədar aprelin 8-nə keçən gecə Üzeyir Hacıbəyov küçəsinin Puşkin küçəsi ilə Azadlıq prospektinin arasında olan hissəsində hərəkət zolaqlarının sayı azaldılacaq.

Həmçinin, aprelin 9-da gecə saatlarından etibarən Səməd Vurğun küçəsinin Zərifə Əliyeva küçəsi ilə Neftçilər prospekti arasında olan hissəsi nəqliyyatın hərəkəti üçün bağlı olacaq.

Bundan başqa, aprelin 12-nə keçən gecə Neftçilər prospektinin Dəniz vağzalının qarşısına düşən hissəsində yolun hərəkət hissəsi daraldılacaq.

Qeyd edək ki, Azərbaycan Qran Prisi 27 - 29 apreldə keçiriləcək.

XalqTV.com