SAĞLAMLIQ

Nə üçün oruc biz insanlara vacib buyurulmuşdur?

27 May 2018
159137 baxış

Ramazan ayı - Allahın ayıdır ki, bəndələri üçün rəhmət qapılarını açar və Öz ziyafət süfrəsinə dəvət edər. "Ey iman gətirənlər, sizdən əvvəlkilərə yazıldığı kimi, sizə (də) oruc yazıldı və qərara alındı, (ki,) bəlkə (ruhunuz qüvvətlənsin və nəfsi istəklərdən)çəkinəsiniz". ("Bəqərə" 183).

Bəs nə üçün oruc biz insanlara vacib buyurulmuşdur?

XalqTV.com deyerler.org-a istinadən bildirir ki, bu sualın cavabında İmam Rza (ə) belə cavab vermişdir: "Ona görə ki, aclıq və susuzluğu tanıyasınız və (özünüzün) axirətdəkiyoxsulluq və ehtiyacınızı dərk edəsiniz.

Ona görə ki, oruc tutan insan (Allah dərgahında) müti, təvazökar və xar olar. Ehtiyaclılıq göstərər və savab aparar. Hesabını çəkməyi öyrənər. Ona aclıq və susuzluqdan çatan çətinliklərə görə səbir edər ki, savaba layiq olsun.

Bundan əlavə, orucda başqa şeylər də vardır. O cümlədən: şəhvəti sındırmaq, nəfsani istəklərə nəzarət etmək etmək, onun üsyan etməsinin qarşısını almaq ki, dünyada onun üçün ibrət olsun. Başqa dünyadakı çətinlik və şiddət üçün dəlil və yolgöstərən olsun.

Orucun sayəsində dünyada olan yoxsul və ehtiyacı olanların aclıq və susuzluq çətinliyini hiss və dərk etsin. O şeyi ki, Allah onun malında yoxsullar və miskinlər üçün vacib buyurmuşdur - əda etsin".

XalqTV.com