İqtisadiyyat

Avropa ABŞ-ın cavabını verdi

31 May 2018
158450 baxış

Fransa prezidenti Emmanuel Makron ABŞ-ın Avropadan alüminium və polad idxalına görə rüsum tətbiq etməsinin qanunsuz olduğunu bildirib.

XalqTV.com oxu.az-a istinadən bildirir ki, bu barədə BFMTV məlumat yayıb.

Makron ABŞ prezidentinin bu addımla səhvə yol verdiyini söyləyib.

Almaniyanın Xarici işlər nazirliyi də bu mövqeni bölüşür.

"Amerikalıların birtərəfli ölçüsü bu nöqteyi-nəzərdən qanuna ziddir", -deyə qurumun bəyanatında deyilir.

Avropa İttifaqı rəhbəri Jan-Klod Yunker isə ABŞ-ın bu qərarına qarşılıqlı cavabın veriləcəyini bildirib.

"Aİ ABŞ-ın birtərəfli qaydada tətbiq etdiyi tarifləri əsassız və Ümumdünya Ticarət Təşkilatının qaydalarına zidd olduğunu hesab edir. Bu açıq-aydın proteksionizmdir", - deyə Yunker qeyd edib.

Britaniya rəhbərliyi də idxal rüsumuna görə ən yaxın müttəfiqindən incik düşüb. Böyük Britaniyanın beynəlxalq ticarət üzrə naziri Liam Foks "əks-tədbirlərin görüləcəyini və Vaşinqtondan Ümumdünya Ticarət Təşkilatına şikayət edəcəklərini" diqqətə çatdırıb.

XalqTV.com