“Dünya irsi. Gənc Peşəkarlar Forumu” öz işini davam etdirir

“Dünya irsi. Gənc Peşəkarlar Forumu”nun dördüncü iş günü iyunun 27-də Qəbələ arxeoloji qazıntıları (Çuxur Qəbələ) və Qəbələ Arxeoloji Mərkəzi ilə tanışlıq həyata keçirildi.  Forum iştirakçıları Lahıca da səfər edəcəklər.

Qeyd edək ki, adıçəkilən Forum UNESCO-nun Dünya İrs Komitəsinin iyunun 30-dan iyulun 10-dək Bakıda keçiriləcək 43-cü sessiyası çərçivəsində təşkil edilib.

İyulun 2-dək davam edəcək forumunda dünyanın 30 ölkəsini təmsil edən 30 gənc irs mütəxəssisi iştirak edir. Son illər Dünya İrs Komitəsinin illik sessiyaları çərçivəsində ənənəvi olaraq təşkil olunan Gənc Peşəkarlar Forumunun builki mövzusu “Ümumdünya irsi: qlobal çağırışlar üçün yerli ideyalar”a həsr edilib. Forumun ümumi məqsədi XIX əsrdə dünyada irsin idarə edilməsində mövcud problemlər və imkanların üzə çıxarılmasıdır.                                                                                                                                                                                                                                                                                                                     

Xalq TV                                                                                                                              Aygün Məmmədova