Bu görüntülər, sözün əsl mənasında, dünyadan deyil.
XalqTv.com nypost-a istinadla xəbər verir ki, ilk dəfə Mars planetinin yüksək keyfiyyətli videosu çəkilib. Video 4K formatında lentə alınıb.
Ultra yüksək keyfiyyətli formada çəkilən görüntüləri NASA-nın robotlu kosmik gəmisi qeydə alıb. 10 dəqiqəlik videoda "qırmızı planet"in səthi tam aydın şəkildə əks olunub.
Qeyd edək ki, Mars Günəşə yaxınlığına görə dördüncü və kiçikliyinə görə Merkuridən sonra ikinci planetdir. Adını Roma mifologiyasının müharibə tanrısından alan bu planetin səthində dəmir oksidinin geniş yayılması ona qırmızı görünüş verir və o, tez-tez "qırmızı planet" kimi təsvir edilir.
