Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini E.Quliyev Xətai rayonu ərazisində saxlanılıb.
XalqTv.com APA-a istinadən bildirir ki, şəxsi axtarış zamanı ondan 5 qram heroin və 5 qram tiryək aşkar edilib.
Davam etdirilən tədbirlərlə onun Abşeron rayonu Digah qəsəbəsinin ərazisində yolun kənarında gizlətdiyi çəkisi 6 kiloqram heroin və 680 qram tiryək də aşkar edilərək götürülüb.
