Dünya

Ermənistanın dövlət borcu 9 milyard dolları ötüb

Xalq Tv Vətənpərvər Verlişi
Xalq Tv Vətənpərvər Verlişi
  • 30 Aug 2021
  • 1554 baxış

Ermənistanın dövlət borcu artıq 9 milyard ABŞ dollarını ötüb. Yerli hökumət cari ilin yanvarından iyulunadək ölkənin dövlət borcunu daha 1 milyard dollar artırıb.

XalqTV.com report-a istinadən bildirir ki, avqustun 23-də Beynəlxalq Valyuta Fondunun Ermənistana 175 milyon ABŞ dolları məbləğində kreditin verilməsi haqqında qərarı qüvvəyə minib. İyulun 31-ə olan məlumata əsasən, Ermənistanın dövlət borcu 8,973 milyard dram təşkil edir.

"Borc məbləğinin artmasının səbəbi Ermənistanın 2020-ci il iqtisadi böhranından tam çıxa bilməməsi və iqtisadiyyatı stimullaşdırmaq üçün əlavə tədbirlərə ehtiyacın olmasıdır", - deyə agentlik qeyd edib.

"Dünyanın bütün ölkələrinin dövlət borcu var․ Problem bunda yox, onun sürətli artım tempində və vəsaitlərdən effektiv istifadədədir. Xüsusi halda, cari ilin 7 ayı ərzində hökumət dövlət borcunu 12,6 % artırıb, halbuki 2021-ci ilin yanvar-iyulda Ermənistanda iqtisadi fəallıq 5,2 % təşkil edib. Hazırda Ermənistanın hər bir vətəndaşına 3 032 ABŞ dolları məbləğində borc düşür.

Hökumət daha əvvəl elan edib ki, vergi daxilolmaları 52,5 milyard dram və ya 7,5 % artıqlaması ilə yerinə yetirilib. Yəni bir tərəfdən əsasən inflyasiyanın hesabına vergi daxilolmaları artıb, digər tərəfdən, hökumət dövlət borcunu sürətlə artırır", - agentlik qeyd edib.

RƏYLƏR
ÖNƏRİLƏN XƏBƏRLƏR