Lavrov Ermənistan xarici işlər naziri ilə Qarabağla bağlı razılaşmaların icrasını müzakirə edəcək

Rusiya xarici işlər naziri Sergey Lavrov bu gün Moskvada Ermənistanın yeni xarici işlər naziri Ararat Mirzoyanı qəbul edəcək.

XalqTV.com bildirir ki, danışıqların gündəliyində Qarabağdakı mövcud vəziyyəti əsas olacağı gözlənilir:

"Görüşün əsas mövzularından biri Azərbaycan, Ermənistan və Rusiya liderlərinin 9 Noyabr 2020 və 11 Yanvar 2021 -ci il tarixli razılaşmalarının icrası ilə əlaqədar bütün məsələlərə baxılması olacaq. Ermənistan-Azərbaycan sərhədindəki vəziyyət, Cənubi Qafqazda iqtisadi və nəqliyyat əlaqələrinin açılması prosesi nəzərdən keçiriləcək".