Məhəmmədrəsul Məcidov: "Növbəti döyüşdə də qalib gələcəyəm"

"Növbəti rəqibimin kim olacağını hələ ki, bilmirəm, amma inanıram ki, növbəti döyüşdə də qalib gələcəyəm".

Mili.Az Trend-ə istinadən xəbər verir ki, bunu IV İslam Həmrəyliyi Oyunları çərçivəsində boks yarışlarına Azərbaycanı təmsil edən Məhəmmədrəsul Məcidov deyib.

Bəzi zədələrinin olduğunu deyən idmançımız yarışlara yaxşı hazırlaşdığını deyib: "Mənim zədələrim var idi, lakin buna baxmayaraq yarışlara yaxşı hazırlaşmışam. İnanıram ki, növbəti döyüşlərdə daha yaxşı çıxış edəcəyəm".

İdmançımız qalib gələcəyinə inandığını bildirib: "Məqsədim qalib gəlmək, Azərbaycana qızıl medal qazandırmaqdır. Fəxr edirəm ki, Azərbaycanı təmsil edirəm".

Qeyd edək ki, bu gün açılışı olacaq Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

XalqTV.com

Digər maraqlı xəbərlər XalqTV.com-ın Facebook səhifəsində