Dünya

Malidə BMT missiyalarına silahlı hücum olub, ölənlər var

14 Aug 2017
271 baxış

Malidə BMT-nin missiyaları silahlı hücuma məruz qalıb.

XalqTV.com APA-ya istinadən xəbər verir ki, bu barədə BMT baş katibinin nümayəndəsi Fərhan Haq bildirib.

Onun sözlərinə görə, avqustun 14-də Malinin mərkəzində naməlum silahlılar missiyanın düşərgəsinə hücum edib. Nəticədə bir missiya əməkdaşı və bir BMT sülhməramlısı ölüb, iki silahlı məhv edilib. Bir neçə saatdan sonra isə BMT-nin Timbuktudakı missiyasına hücum edilib. F.Haq orada atışmanın davam etdiyini bildirib.

Qeyd edək ki, BMT Təhlükəsizlik Şurasının qərarı ilə Malidə BMT-nin 12 minlik sülhməramlı missiyası (MINUSMA) fəaliyyət göstərir. Həmçinin ölkədə Fransa ordusunun 4 minlik kontingenti yerləşdirilib.

XalqTV.com

RƏYLƏR