"Ümidimizi Şimali İrlandiya və Azərbaycanla oyunlarda itirmişdik"

Bu seçmə mərhələdə işlər istədiyimiz kimi getmədi.

XalqTV.com  apasport.az-a istinadən xəbər verir ki, bu sözləri Çexiya yığmasının qapıçısı Tomaş Vaçlik deyib.

DÇ-2018-in seçmə mərhələsində millimizlə eyni qrupda çıxış edən çexlər səfərdə Şimali İrlandiyaya 0:2 hesabı ilə məğlub olublar.
 
Vaçlik oyundan sonra ölkəsinin mətbuatına açıqlama verib. "Bazel"in formasını geyinən 28 yaşlı qapıçı dünya çempionatının final mərhələsinə yüksəlmək şanslarını çoxdan itirdiklərini bildirib: "Mundiala çıxmaq ümidimizi Şimali İrlandiya və Azərbaycanla oyunlarda itirmişdik. Çünki evdə keçirdiyimiz hər 2 görüşdə qələbəyə həsrət qalmışdıq. Yəni başlanğıcdan bəxtimiz gətirməmişdi. Dünya çempionatından kənarda qalacağıq. Amma düşünürəm ki, qazandığımız təcrübə bizə gələcəkdə kömək olacaq. Komandamızın böyük potensialı var". 

XalqTV.com

Digər maraqlı xəbərlər XalqTV.com-ın Facebook səhifəsində