Hakim səhv etdi, oyunun nəticəsi ləğv olundu

DÇ-2018-in seçmə mərhələsinin Afrika zonasında keçirilən CAR - Seneqal matçının nəticəsi ləğv olunub.

XalqTV.com  apasport.az-a istinadən xəbər verir ki, buna kobud hakim səhvi səbəb olub.

2016-cı il noyabrın 12-də keçirilən matçla bağlı araşdırmalar təxminən 10 ay sürüb və yalnız indi qərar verilib. Bu da CAR millisinin 2:1 hesabı ilə qalib gəldiyi qarşılaşmanın referisi Cozef Odartey Lemptinin təyin etdiyi penaltinin düzgün olmaması ilə bağlıdı.
 
Hakim bu penaltiyə görə Afrika Futbol Konfederasiyası tərəfindən ömürlük idarəçilikdən kənarlaşdırılıb. Məsələni araşdıran FİFA-nın İntizam Komitəsi isə "Oyunun nəticəsinə qanunsuz təsir etmək" kodeksinin pozulduğunu müəyyənləşdirib.
 
Məhz buna görə də CAR - Seneqal görüşünün nəticəsi ləğv olunub və komandalar yenidən üz-üzə gələcək. Oyunun noyabrda baş tutması nəzərdə tutulsa da, dəqiq tarix müəyyənləşməyib.

XalqTV.com

Digər maraqlı xəbərlər XalqTV.com-ın Facebook səhifəsində