Dünya

İŞİD-in İraqdakı əsas qərargah şəhəri silahlılardan azad edildi

04 Oct 2017
262 baxış

İraq ordusu Əl-Havica şəhərinin İŞİD-dən tam azad olunduğunu bəyan edib.

XalqTV.com Trend-ə istinadən bildirir ki, şəhərin azad olunması üçün əməliyyat 2 həftə əvvəl başlamışdı. General-leytenant Abdul Əmir Yarallı əməliyyatın başa çatması ilə bəyanat yayıb.

Məlumata görə, əməliyyat çərçivəsində ordu 98 kəndi İŞİD-dən təmizləyib, Tiqrit-Kərkük magistralı üzərinə nəzarəti bərpa edib və iki aeroportu silahlılardan azad edib. Əməliyyatda 200-ə yaxın silahlının öldürüldüyü xəbər verilir.

Əl-Havica İŞİD-in İraqda Mosuldan sonra əsas qərargahı hesab edilirdi.

XalqTV.com

RƏYLƏR