Qorxulu xəstəliyi erkən aşkarlaya biləcək texnologiya hazırlanıb

Koreyalı alimlər Alsheymer xəstəliyinin erkən təyin edilməsində istifadə ediləcək bir biomarker əldə ediblər.

XalqTV.com  AZƏRTAC-a istinadən bildirir ki, Koreya Respublikasının Elm, İnformasiya və Kommunikasiya Nazirliyinin, Seul Milli Universitetinin alimləri qan nümunələrində "beta-amiloid" adlı proteini təsbit edə bilən bir dəst hazırlayıblar. "Beta-amiloid" zülalının beyindəki mövcudluğu Alsheymerin ilkin əlamətlərindən biri hesab olunur.

Tədqiqatçılar hazırladıqları biomarkerin 90 faiz düzgün diaqnoz qoyduğunu deyiblər. Alimlər texnologiyanın əvvəlkilərdən fərqli olaraq xəstəliyin görünən əlaməti olmadan onu tanıya biləcəyini bildiriblər.

Qeyd edək ki, Alsheymer xəstəliyinin indiyədək effektiv diaqnostika və müalicəsi yoxdur.

Görünən əlamətləri xəstəliyin başlanğıcından sonrakı 10 il ərzində üzə çıxdığından Alsheymerə diaqnoz qoyulsa da, gec olduğu üçün müalicələr nəticə vermir.

XalqTV.com